Неодамна Nucleus Medical Media на YouTube објави 3Д анимација од делувањето на коронавирусот на човечкиот организам, од моментот кога ќе влезе во телото.
Вирусот влегува во телото кога ќе вдишите инфицирани капки или по допирање на заразена површина, допирајќи ги носот или устата, по што почнува со напад на клетките.
Вирусните честички најпрвин доаѓаат до грлото, се врзуваат за клетките и го имплементираат својот генетски материјал. На тој начин човечките клетки ги претвораат во генетски фабрики кои произведуваат повеќе вирусни честички.
Со појава на вирусот може да се јават кашлица, температура и изнемоштеност. Тоа е сигнал дека имуниот систем се бори против вирусот. Иако голем број од заразените не ги чувствуваат симптомите, во некои случаи вирусот доаѓа до белите дробови во кои создава воспаление. На тој начин го отежнува снабдувањето со кислород на белите дробови. Тие се полнат со течност, што го отежнува дишењето. На пациентот потоа му е потребен респиратор за да му помага во дишењето.
Во просек 6 проценти од заразените достигаат во критична состојба, кога телото се бори за кислород за да преживее.