Емоционална интелигенција е способност ефикасно да комуницирате, потпирајќи се на сопствената интуиција, на начин што кога ќе се вознемирите во текот на некоја напната ситуација ќе реагирате пристојно и смирено.
Магазинот Forbes подетално ги „истражи“ емотивно интелигентните луѓе и ги оддели нивните најдобри карактеристики.
Емоционално интелигентните луѓе имаат здрава доза на самодоверба. Секогаш се обидуваат да ја проценат сопствената ефикасност. Затоа, на критиките не реагираат со лутина, сарказам или навредено, туку со интерес.
Сепак, критиките или фидбекот им помага во нивниот понатамошен развој.
Емоционално интелигентните луѓе се секогаш отворени за идеите и мислењата на оние околу нив, дури и кога другите размислуваат поинаку. Покажуваат здрав интерес за животите на луѓето околу нив, без некакви предрасуди или заземање нечија страна.
Затоа, роднинте, пријателите и колегите секогаш можат да им се обратат за совет.
Емоционално интелигентните луѓе знаат како да ги слушаат другите и да останат фокусирани. Успеваат да останат фокусирани на тоа што сакаат да го кажат, без одвлекување на вниманието.
Иако емоционално интелигентните луѓе умеат да ги проценат чувствата, не се плашат да одговорат искрено. Секогаш остануваат објективни и ги формулираат своите предлози и критики со цел да бидат разбирливи.
Наместо да бараат изговори, емоционално интелигентните луѓе признаваат кога ќе згрешат или дека згрешиле за нешто.
