Натпреварот од 7. коло во холандското првенство меѓу Валвајк и Ајакс беше прекинат во 85. минута по ужасни сцени на теренот.
Ајакс водеше со 3:2 и со намера да постигне четврти гол топката беше испратена до Брајан Броби, кој во обид да дојде до топката го удри во глава голманот на Валвајк, Етјен Ваесен, кој остана да лежи неподвижен.
Соиграчите на Ваесен веднаш ѝ сугерираа на клупата дека нешто не е во ред, а лекарите се упатија кон голманот кој лежеше на тревникот без свест.
Холандскиот весник De Telegraaf објави дека 28-годишниот голман морало да биде оживуван на теренот, а судијата веднаш ја прекина играта поради сериозноста на ситуацијата.
Ваесен веднаш беше префрлен во болница, а оттаму во текот на ноќта стигнаа добри вести.
Ваалвајк објави дека Ваесен е свесен и дека поминал низа медицински тестови во болницата.
Ваалвајк, Ајакс, судијата и раководството на холандската лига се договорија последните 5 минути од натпреварот да се доиграат во наредните денови.
