Актерката Силвија Стојановска денеска беше осудена на казна затвор од три и пол години откако Кривичниот суд ги прогласи неа и нејзиниот партнер Воислав Будисавјевиќ за виновни по обвинението за транспорт на 700 килограми кокаин од Колумбија во Шпанија.
Будисавјевиќ доби казна затвор од седум години.
Будисавјевиќ останува во притвор, додека Стојановска останува на слобода до правосилна пресуда, со определени мерки на претпазливост.
Неа претходно ѝ беше укинат куќниот притвор.
„Во текот на истрагата обвинителството утврди дека во периодот од јули 2019 година до 18.12.2019 година обвинетите, заедно со тројцата обвинети во Кралството Шпанија, од кои едниот е македонски државјанин, брат на првообвинетиот, како и повеќе лица, зеле учество во неовластено купување, пренесување и продавање кокаин во вкупна количина од 698.758,1 грама. Обвинетите подготовувале и организирале неовластено купување, превезување и сместување на кокаинот од Колумбија до Мадрид, Кралството Шпанија, и барале купувачи на неа”, стои во информацијата на обвинителството.