Јувентус ја победи Џенова со 2:0 во 16. коло од Серија А.
Торинскиот тим моментално се наоѓа на петтото место во лигата со седум бода помалку од четвртопласираната Аталанта.
Избраниците на Макс Алегри не дозволија Џенова да упати удар кон голот на Војчех Шчесни. Од друга страна, Јувентус 27 пати стигна до противничкиот гол и 12 пати погоди во рамките на голот.
Алваро Мората во 72 минута доби жолт картон поради прекршок врз противнички играч. Веднаш потоа Алегри го извлече од игра и на негово место го стави Мојс Кин.
Морати не беше согласен со таа замена, па дојде до расправија со тренерот Алегри. Алегри му замери на Мората за жолтиот картон.
„Но, што направив, што можев да направам?“, се бранеше Мората, а Алегри потоа му рече да заќути.
„Не сакав да го сменам, но доби жолт картон и продолжи да протестира. Жал ми е, играше технички добро, иако не успеа да постигне гол. Точно е дека сите момци беа добри вечерва“, изјави по натпреварот тренерот на Јувентус.
Стрелци за Јувентус беа Хуан Квадрадо и Пауло Дибала.