Поранешен американски дипломат призна дека дрогирал, сексуално злоупотребувал и фотографирал вкупно 23 девојки над 14 години додека работел во американската амбасада во мексиканската престолнина, објави Министерството за правда на САД.
Американското министерство за правда објави дека 45-годишниот Брајан Џефри Рејмонд се изјаснил за виновен за злосторствата.
Може да добие доживотна казна затвор.
Рејмонд го напуштил Мексико откако на 31 мај 2020 година гола жена врескала и барала помош и заштита од Рејмонд. Жената вели дека не се сеќава на ништо откако ги конзумирала храната и пијалокот што ѝ ги дал Рејмонд.
Истрагата откри и стотици фотографии и видеа на над 20 несвесни голи/полуголи млади жени.
Министерството за правда известува дека неговите злосторства започнале во 2006 година.
„Раката на Рејмонд се гледа на фотографии и видеа, како ги допира неговите несвесни жртви за очите, устата, градите и задникот. Рејмонд исто така може да се види како лежи во кревет со своите жртви“, стои во извештајот.
Најдени се негови пребарувања на интернет за ефектите од комбинацијата на апчиња за спиење и алкохол.
ФБИ, преку соопштение, им се заблагодари и на жените кои се јавиле во врска со информации за понатамошна истрага.