Експертската комисија ѝ препорача на ФДА да ја дозволи употребата на вакцината на Pfizer за деца на возраст од 5 до 11 години, наведувајќи дека предностите на вакцината се поголеми од ризиците.
ФДА нема обврска да го следи советот на надворешните советници но обично го одобруваат, пишува The Voice of America.
Тоа значи дека околу 28 милиони деца би можело да се вакцинирааат, а повеќето од нив веќе одат во училиште. Вакцините би требало да почнат да се даваат веќе од наредната недела.
Доколку ФДА дозволи вакцинација и на оваа старосна група, Центарот за контрола и превенција на болести ќе одржи состанок наредната недела за да ги изнесе препораките за имунизација.
Компаниите Pfizer/BioNTech наведуваат дека нивната вакцина е ефикасна 90,7 проценти за заштита од коронавирус во клиничкото истражување во кое учествуваа деца на возраст од 5 до 11 години.
Вакцината за деца постари од 12 до 15 години беше дозволена во мај, а минатиот декември доби дозвола за деца постари од 16 години.