Амра Џеко, поранешна манекенка и сопруга на капитенот на репрезентацијата на Босна и Херцеговина Един Џеко, за италијанските медиуми проговори за својот сопруг и нивниот живот во Милано.
Амра и Един започнале хармоничен живот во Милано, но сега открила дека не ѝ било сеедно кога требало да се пресели во овој град.
„Плачев кога рече дека се сели во Интер. Рим беше нашиот дом шест години, не можев да го напуштам својот дом“, изјави Амра за La Gazzetta dello Sport.
Сепак, била среќна за нејзиниот сопруг и одличната можност што ја доби. Иако оставија пријатели во Рим, сега најдоа нови во Милано.
„Избравме нов дом во Милано. Децата и јас брзо се навикнавме на животот таму. Градот е убав и богат, а до Сараево можеме и со автомобил“, вели таа.
За својот сопруг има само пофални зборови, а сега откри и повеќе детали кои го прават посебен.
„Един нема никакви тетоважи, омиленото јадење му се босанските кифли, се храни здраво и тоа се трудиме тоа да им го пренесеме на нашите деца“, рече таа и додаде дека нејзиниот сопруг најмногу сака да слуша босанска и латино музика.
Кога Един има слободни денови, тој и Амра уживаат да поминуваат време со своето семејство. Неодамна го посетија и Рим кој засекогаш ќе има посебно место во нивните срца.