Реал Мадрид ја победи Селта Виго со 2:0 на стадионот „Сантјаго Бернабеу“ во 30. коло од шпанското првенство.
Тренерот на Мадрид, Карло Анчелоти, по натпреварот зборуваше за теренот.
„Имаме проблем со теренот, работиме на тоа да го решиме, се надевам дека ќе успее бидејќи очигледно влијае на нашата игра. Тревникот се менуваше редовно, мислам дека ќе треба повторно да се направи. Се распаѓаше поради работи на стадионот. Мислам дека ќе го решат пред натпреварот со Сити“, изјави Анчелоти.
Реал и Манчестер Сити во вторник на 9 мај на „Сантјаго Бернабеу“ ќе го одиграат првиот полуфинален натпревар од Лигата на шампионите.
Марко Асенсио и Едер Милитао беа стрелци за Реал, кој со победата стигна до 65 бода, осум помалку од лидерот Барселона, кој има и натпревар помалку.