Германската канцеларка Ангела Меркел денеска се вакцинираше против COVID-19 со вакцината на AstraZeneca, пренесе DW.
Канцеларката Меркел, која во јули ќе наполни 67 години, претходно соопшти дека има намера да се вакцинира, но дека го чека својот ред.
И претседателот Франк-Валтер Штајнмаер се вакцинираше со вакцината на AstraZeneca и притоа изјави дека има доверба во вакцините што се одобрени во Германија.
По препорака на германската Централна комисија за вакцини, од почетокот на април само лицата на возраст над 60 години се вакцинираат со AstraZeneca. Министрите за здравство на федералните провинции пред неколку дена одлучија помладите луѓе кои ја примија AstraZeneca како прва вакцина, на ревакцинацијата да добијат Pfizer/BioNTech или Moderna.