Ансу Фати, талентот кој требаше да биде „новиот Лео Меси“ во Барселона, решил да ја напушти Каталонија ова лето, губејќи ја довербата дека може да го покаже најдоброто под тренерот Чави Ернандес, тврди AS.
Фати влезе во игра во 79. минута од мечот од првото коло во Ла Лига против Хетафе, и според шпанските медиуми, конечно, решил да стави крај на кариерата како фудбалер на Каталонците, предизвикувајќи голем интерес кај премиерлигашките клубови, Манчестер Јунајтед, Арсенал и Тотенхем.
20-годишниот Фати подолго време беше промовиран како нов голем талент од славната Ла Масија, дебитирајќи на 16 години во 2019 година, по што стана најмлад стрелец во историјата на Лигата на шампионите со голот против Милан. Меѓутоа, во 2020 година го скина менискусот во левото колено и паузираше девет месеци, но довербата беше толку висока, што во 2021 година го доби дресот со бројот 10 на Лео Меси.
