Фудбалерот на Барселона, Антоан Гризман вчера доби трето дете. Тој стана татко на уште една ќерка којашто го доби името Алба.
Гризман и неговата сопруга Ерика добија трето дете кое е родено на ист датум како и првите две нивни деца. Ќерката Миа ја добија на 8 април 2016 година, а три години подоцна таа за роденден го доби братчето Амаро.
„Денеска се навршуваат две и пет години од вашето пристигнување на свет. Направивте револуција во нашите животи и со вас учиме да растеме, сакаме и бидеме подобри личности. Мама и тато не можат да бидат погорди на тоа што го изградивме, благодарение на вас. Ве сакаме бескрајно, лудо и слободно“, напиша Ерика на Instagram.
Неколку часа подоцна, таа објави и фотографија од новороденчето Алба.
„Ден којшто никогаш нема да го заборавиме, 8 април дефинитивно е нашиот датум“, вели таа на објавата.