Пратеникот и лидер на партијата Левица, професорот Димитар Апасиев, повика на моментално обединување на опозицијата со цел одбрана на македонскиот идентитет.
„Ако е вистина дека Владата прифатила оти македонскиот јазик е заснован на западно-бугарскиот дијалект, тогаш тоа е прогласување тотална ВОЈНА ПРОТИВ НАРОДОТ!“, напиша професорот Димитар Апасиев на Facebook.
„Со оглед на драматичноста и сериозноста на ситуацијава во која сме доведени како народ, а која може неочекувано да се радикализира и да ескалира во следниов период, искрено апелирам до сите слободомислечки наши сограѓани, да создадеме силен и обединет Опозициски антивладин фронт против ова зло кое Македонија го немала од АСНОМ до денес. Да ги закопаме секирите додека да го кутнеме сатрапот Заев, а после пак ќе „ратуеме" - кој на лево, кој на десно. Ако ова не го сконтаме, пред нос ќе ја изгубиме Републиката, а тешко дека следните генерации ќе си ја повратат. Памет у глава и егото на страна. Долг е патот на Борбата!“
Претходно, тој додаде: „ЗАЕВИЗМОТ Е НОВИОТ ФАШИЗАМ! Да му се спротивставиме додека не е предоцна“.
Неговата партија итсо така организираше протест пред Владата, но не со коло како ВМРО-ДПМНЕ, туку лично, стоечки и со маски.