Кинеската компанија Xintong Tiandi го доби судскиот спор со Apple, за правото на користење на името Iphone. Станува збор за компанија која произведува женски чанти и други производи од кожа.
Судот во Кина пресуди во корист на кинеската компанија, која во 2010 година го заштити името Iphone за своите производи. Apple уште во 2002 година го регистрира името iPhone, но тоа не беше одобрено се до 2013 година.
Интересно Xintong Tiandi продава и кожни футроли за смартфони кои исто така го носат името Iphone, а судскиот спор со Apple го водат од 2012 година.
Во образложението на судот се наведува дека Apple не може да докаже дека биле познат и распространет бренд во Кина пред 2007 година кога Xintong Tiandi првично го регистрирале брендот.
Apple iPhone за прв пат беше пуштен во продажба во Кина во 2009 година.