Астронаутот на НАСА, Скот Кели, постави рекорд за најдолг престој во вселената. Сепак, за 340-те дена поминати во вселенската станица, тој денес плаќа висока цена. За тоа колку му се променил животот по престојот во вселената, пишуваше во книгата „Endurance: A Year in Space, a Lifetime of Discovery“. Со оглед на мноштвото симптоми, книгата е многу обемна.
Кели вели дека бил свесен за ризиците што ги преземал од почетокот на мисијата. Сега тој треба да плати за неговото напуштање на Земјата.
Главните симптоми да се биде во вакуум, опишани во книгата, порталот Sci-Tech ги сумираше за своите читатели.
Ризик од рак: „Додека бев во вселената, примав дневна доза на зрачење еднаква на 10 рендгенски снимки на градниот кош. Ова го зголеми ризикот од развој на рак до крајот на животot“, се вели во книгата.
Зглобови отечени како да ќе експлодираат: „Чувствувам дека ткивото под нозете ми отекува. Одам во тоалет, го палам светлото и гледам надолу во моите нозе. Вонземски екстремитети. Ја викам сопругата, викам од бањата: 'Душо, погледни'. Таа се наведнува и ми ги стиска нозете. Изгледа како да си игра со воден балон“.
Осип кој пече: „Целата кожа ме боли. Жена ми очајно го прегледува моето тело. Излегува дека имам чуден осип на грбот, листовите и вратот - секаде каде што моето тело доаѓа во контакт со креветот. Изгледа како алергија, како да ме нападнал рој пчели“, пишува Скот во својата книга.
Постојана треска: „Конечно успеав да кажам нешто - Амико, се чувствувам лошо, се смрзнувам. Мојот глас ја загрижи. Нејзината студена рака оди преку моето рамо, па преку моето чело. Неа не ѝ беше ладно, додека јас се смрзнував“.
Застрашувачки проток на крв во долните екстремитети: „Се борам да станам. Го чувствувам работ на креветот. Полека ги лизгам нозете кон подот. Го кревам грбот. Секогаш кога се движам се чувствувам како да се давам во песок. Чувствувам крв“.
Бранови на гадење многу поголеми отколку во претходните мисии: „Спиев неколку часа, но бев во делириум. Се трудев многу да се вразумам, да ѝ кажам на жена ми колку лошо се чувствувам. Имам силна вртоглавица. Треска. Болка во целото тело. Никогаш не сум се чувствувал вака, дури ни во вселената по долго патување“.
Прерано остарени мускули и зглобови: „Март 2016. Се вратив на Земјата по година дена во вселената. Се враќав точно 48 часа. Се туркам од масата и се мачам да станам. Како старец кој станува од својата омилена фотелја“.
Неверојатно чувство на гравитација: „Сѐ ме боли. Сите зглобови и мускули протестираат поради тоа што сум во земјиното гравитациско поле. Ми се врти во глава, иако не можам да повратам. Се соблекувам и одам в кревет. Уживам во чувството кога покривката ме покрива“.
