Австралија регистрираше најмногу починати од COVID-19 во еден ден откако е почната пандемијата, во време кога Мелбурн го зафати вториот бран од заразата.
Во Викторија, каде Мелбурн е главен град, денеска беа регистрирани 19 смртни случаи од коронавирусот.
Во Викторија се регистрирани две третини од вкупно 314 смртни случаи и речиси 21.400 заразени во цела Австралија.
Меѓутоа, дневната бројка на новозаразени, иако уште се брои во стотици, деновиве опаѓа, што покажува дека строгиот карантин има ефект.
Вториот бран рестриктивни мерки во Мелбурн почна пред повеќе од еден месец, но локалните жители се под построг карантин од 3 август.
Вработените мора да носат дозвола за излез од нивните домови, а бизнисите кои не се од најнеопходно значење се затворени. Носењето маски во јавност е задолжително.
Во Викторија денеска беа регистрирани 322 нови случаи, што е помалку од 725 колку што беа забележани пред пет дена.
Изминатава недела се регистрирани 100 смртни случаи од COVID-19 во Викторија, а бројот на хоспитализирани пациенти исто така порасна. Најголемиот број смртни случаи се во домовите за стари лица.
Премиерот на Викторија Даниел Ендруз рече дека „видно е дека строгите мерки донесоа стабилност“, но нагласи дека не смее да има опуштање.
