Капитенот на белгиската фудбалска репрезентација, Еден Азар, изјави оти претстојното Светско првенство во Катар „можеби е последната шанса за оваа генерација да освои трофеј“.
„Бевме на врвот на формата во 2018 година. Јас сега играм помалку, Ромелу Лукаку е повреден, одбраната е малку повозрасна, но тука сме да покажеме дека луѓето можат да сметаат на Белгија“, рече 31-годишниот Азар во изјава за белгиските новинари.
Тој кажа дека е можно за неколкумина колеги ова да е последното натпреварување. „Мораме да дадеме сè од себе“, додаде Азар.
Не исклучи можност по завршување на мундијалот во Катар да го напушти Реал Мадрид, каде добива мала минутажа на теренот од тренерот Карло Анчелоти.
„Не сакам да го напуштам Мадрид, но можеби тоа нема да биде само моја одлука“, изјави Белгиецот.