Бадник е последниот ден од божиќните пости. Се прославува во домот во семејна атмосфера, а најчестите јадења на бадниковата трпеза се грав, риба, сарма и зелник.
Потребни состојки:
4 праза
3 глави кромид
2 моркови
1 чаша ориз
1 лажица сол
1 лажица мелен црвен пипер
1 лажичка бибер
2 листа ловоров лист
1-2 глави кисела зелка
1 лажица мелени црвени пиперки
1 лажичка вегета
за запршката:
3 лажици масло
1 лажица брашно
1-2 лажици мелени црвени пиперки
Начин на подготовка:
Листовите од зелка подгответе ги стандардно за сарма. Ситно исечкајте го зеленчукот и варете го кратко време без масло, а потоа додадете го маслото и динстајте на тивок оган додека не омекне. Додадете го оризот и варете уште 10 минути, со додавање вода (околу 1 дл). Додадете сол, бибер, вегета, мелен пипер и промешајте.
Подмачкајте го дното на длабока тава, а потоа ставете неколку листови зелка. Пополнете ги листовите од зелка со по една лажица фил и свиткајте ги во сарми. Ставете ги во тавата и на секој ред посипете со исечкани парчиња ловоров лист. Прекријте со неколку листови зелка, истурете вода за да се покриете сармата, покријте со капак и гответе неколку часа на тивок оган.
Запршка: Загрејте го маслото и додадете брашно. Пржете додека не смени боја, а потоа додадете мелен пипер. Промешајте и истурете во сармата. Гответе уште 10-15 минути.
