Германскиот првак Баерн Минхен соопшти дека сите влезници за домашните натпревари и резервациите за гостинските во сезоната 2019/2020 се распродадени и седум недели пред почетокот на новата сезона веќе нема влезници во продажба.
Баварците шеста година по ред го распродаваат стадионот Allianz Arena олку рано пред почетокот на сезоната.
Низата од повеќе од 20 последователни распродадени сезони беше прекината во 2013 година кога два месеци пред првиот натпревар во сезоната имаше влезници за средбата со Хофенхајм.
Покрај продажбата на 40.000 годишни влезници, побарувачката за еднократни влезници за натпреварите на Баерн исто така е голема и тие рамномерно се распределуваат на стотина фан клубови низ Германија и Европа. Овие влезници исто така се распродадени за престојната сезона.
Момците на Нико Ковач ќе го играат првиот натпревар во новата сезона на полн стадион со капацитет од 75.000 гледачи.
