Садио Мане ја плати најскапата шлаканица во историјата на Баерн. Неговиот напад врз соиграчот Лирој Сане и физичкиот напад во соблекувалната по првиот дуел со Манчестер на „Итихад“ го чинеа 350.000 евра, што е рекордна казна во историјата на Баерн.
По интерната казна, бидејќи го немаше во протоколот против Хофенхајм, раководството на баварскиот тим реши да го казни најплатениот играч со рекордна парична казна. Со оглед на тоа што Сенегалецот месечно заработува речиси 2 милиона евра бруто, казната нема да влијае на неговиот живот, но секако е поука за останатите играчи дека постои „нулта толеранција“ за груби прекршувања на дисциплината.
Со оваа казна, на овој инцидент му е ставен крај и тренерот Томас Тухел го вклучи Мане за вечерашниот реванш против Манчестер Сити, каде „Баварците“ ќе бидат во речиси невозможна мисија бидејќи треба да ја надополнат тројната гол негатива од Англија.
