Лукас Бергвал, сè уште 17-годишен шведски играч од средниот ред, стана член на првиот тим на Јургорден на крајот од минатата сезона. Со своите игри ги принудуваше скаутите на силните европски клубови да им ги пренесат впечатоците за него на претпоставените. Интерес покажа и Барселона.
Каталонскиот клуб е во финансиски проблеми и не може да им парира на понудите на конкуренцијата за фудбалски ѕвезди. Она што може да го направи е да се грижи за иднината, а Бергвал е означен како еден од играчите кои би можеле да бидат дел од иднината на клубот.
Шпанските медиуми пишуваат дека Барселона би можела да го донесе во трансфер многу помал од 15 милиони евра, но и дека шведскиот репрезентативец до 21 година е заинтересиран да дојде на „Камп Ноу“. Тој е под договор до летото 2025 година, а Transfermarkt го вреднува на 5 милиони евра.
Преговорите ќе започнат наскоро.
Бергвал дојде во Јургорден пред една година од редовите на Бромапојкарна. Во шведското првенство, кое трае од април до ноември, во минатата 2023 сезона одигра 23 натпревари, постигна 2 гола и еднаш асистираше.
