„И Израел и Хамас се согласија да го продолжат примирјето во Газа за уште два дена“, потврди Белата куќа, пренесува Sky News.
САД не објавија повеќе детали, но новина стигна и од Катар.
Портпаролот на Министерството за надворешни работи на Катар, Маџед Ал Ансари, објави дека е постигнат договор за продолжување на хуманитарниот прекин на огнот за дополнителни два дена во Појасот Газа.
„Државата Катар објави дека, како дел од тековното посредување, е постигнат договор за продолжување на хуманитарното примирје за дополнителни два дена во Појасот Газа“, напиша тој на социјалната мрежа Х.
Хамас исто така го потврди примирјето, но Израел допрва треба да го коментира тоа.
„Исламското движење на отпорот Хамас објавува дека е договорено со неговите браќа во Катар и Египет да се продолжи привременото хуманитарно примирје за дополнителни два дена под истите услови како и претходното примирје“, се вели во соопштението на Хамас, пишува Sky News.
