Белград утрово пред 9 часот беше најзагадениот град од 85 главни градови ширум светот. Најголема загаденост е измерена во Нов Белград.
Од Градскиот завод за јавно здравје за „Танјуг“ изјавија дека податоците сепак не се толку алармантни и дека зголемената концентрација на загадувачки материи е карактеристична за овој период од годината.
Станиците на кои се мери квалитетот на воздухот во реално време покажаа дека концентрацијата на загадувачки материи е зголемена, но тоа не е ништо невообичаено за зимскиот период, изјави докторот за хемиски науки од Градскиот завод за јавно здравје, Адреј Шоштариќ.
Според мерењата на Air Visual, во главниот град на Србија индексот за квалитет на воздухот (AQI), што покажува колку е загаден воздухот, зинесувал 399 во Белград.
Меѓу десетте најзагадени градови се: Краков, Делхи, Скопје, Дака, Приштина, Мумбај, Сараево и Вроцлав.
Според податоците од Националниот регистер на извори на загадување, во Србија најзначајни извори на загадување се од енергетскиот сектор, односно согорувањето на фосилни горива.
