Претседателот на Монца, Силвио Берлускони, со шеговит тон рече дека веќе примил стотина повици во кои од него се барало да го исполни ветувањето дадено кон играчите дека доколку победат некој од големите клубови ќе им донесе автобус полн со проститутки.
Монца синоќа на гостински терен среде Торино го шлагираше Јувентус победувајќи го со 2:0, а по големата победа на социјалните мрежи веднаш се актуелизираше необичното ветување на контроверзниот Берлускони дадено во декември кога им вети стимулативна прослава.
„На играчите им дадов дополнителна мотивација велејќи им дека, доколку победиме против Милан, Јувентус или некој од поголемите клубови, во соблекувалната ќе им испратам автобус полн со проститутки“, рече тогаш Берлускони смеејќи ги сите присутни.
Согласно таквата изјава, по синоќешната победа над Јуве италијанските новинари го побараа првиот човек на Монца и го прашаа дали ќе си го одржи ветувањето.
„Веќе добив 100 повици во кои се бара од мене да си го одржам зборот“, рекол Берлускони, објави La Repubblica.
И ПР службата на Монца имаше проблеми морајќи да се занимава со оваа тема, па по победата над Јуве објавија симптоматична фотографија на социјалните мрежи од клупскиот автобус како оди кон соблекувалните.
Головите за Монца синоќа ги постигнаа Патрик Чуриа во 18-тата и Дани Мота во 39. минута, а претходно во 10-тата ВАР му го поништи водечкиот гол на Џанлука Капрари поради одсајд. Популарните „Брианцоли“ сега имаат 25 бодови и се позиционирани на 11. место во Серија А, пред Фиорентина и Јувентус. За Монца ова е дебитантска сезона во италијанската елита.