Најбогатиот човек во светот и извршен директор на Tesla и Space X, кој неодамна го купи Twitter, Илон Маск се пошегува на социјалната мрежа, велејќи дека неговата следна инвестиција ќе биде купување на Coca-Cola со цел да го врати кокаинот во овој газиран пијалок.
„Следно ќе ја купам Coca-Cola за да го вратам кокаинот“, напиша тој на својата социјална мрежа.
Маск, кој инаку е познат по чудните и бизарни твитови, освен со Coca-Cola, се пошегува и со McDonald’s, наведувајќи дека ќе го купи и овој синџир за брза храна за да им ги поправа машините за сладолед. Потоа сам си одговори дека не може да прави чуда.
Неговото неодамнешно купување на Twitter за 44 милијарди долари ја потресе платформата и јавноста. Новиот сопственик Маск директно на својот профил објави дека може да има одредени промени во безбедноста на Twitter, кои се однесуваат на приватни пораки.
„Приватните пораки на Twitter треба да имаат end-to-end енкрипција како Signal. Така, никој не може да ги шпионира или хакира вашите пораки“, напиша тој, откривајќи на што ќе се фокусира по купувањето на социјалната мрежа.
