Природниот феномен неодамна забележан над вулканот Акатенанго не е невозможен, но исто така не е ни многу чест.
Молњи блеснувале по бурното небо над вулканот, но ваква глетка не се гледа секој ден. Грмењето не му пречело на импресионираниот Дерик Стил да го сними сето тоа.
Видеото на Стил покажува како гром удира во вулканот за време на бура, додека двата врва Пико Мајор и Јепокапа сеа покриени со олујни облаци.
„Скокнав од мотоциклот и снимив експлозија на громови што лудуваат, како да пукаат нагоре и го осветлуваат небото над вулканот Акатенанго во Гватемала. Изгледаше како да одат во спротивна насока“, раскажа Стил.
Овој природен феномен не е невозможен, но не е ни вообичаен, се нарекува „молња или блесок нагоре“.
Громот што се движи нагоре се појавува кога има позитивен блесок на релација облак-земја. Промената на електричното поле предизвикана од претходниот блесок предизвикува молњата да се движи нагоре.
Нагорниот тип на молња удира од врвот на облакот нагоре во стратосферата и е многу поредок од молњата што ја погодува земјата.
Постојат три вида:
Црвен виленик - гром кој е темен и црвеникав, широк со километри, се јавува на околу 50 до 90 километри над облаците. Трае само неколку илјадити делови од секундата.
Син млаз - тип на молња што има сина интензивна конусна светлина. Се шири со брзина од 6.000 километри на час, а над облаците достигнува од 20 до 50 километри.
Џуџе - вид зелена молња со форма на чинија и со дијаметар од околу 400 километри. Се појавува на околу 100 километри над облаците. Трае помалку од неколку илјадити делови од секундата.