Манчестер Јунајтед реши да им ги продолжи договорите на Ешли Јанг и Дејли Блинд, додека нови договори не им беа понудени на дел од играчите чии договори истекуваат во лето.
Договорите на Ешли Јанг и Дејли Блинд требаше да истечат по крајот на оваа сезона, но клубот реши дека тие ги задоволуваат стандардите на Манчестер Јунајтед, па нивните договори беа продолжени на уште една година.
Ешли Јанг оваа сезона беше стандарден дел од првиот тим на Јунајтед и одигра 26 натпревари, додека Блинд одигра само 15. Сепак, тие добија продолжување на договорите до 2019 година.
Претходно во иста ситуација се најдоа Андер Херера, Хуан Мата и Лук Шо, но и нивните договори беа продолжени, што значи дека сега во тимот останаа само тројца играчи чии договори истекуваат во лето – Златан Ибрахимовиќ, Маруан Фелаини и Мајкл Керик.
Керик најави дека ќе се пензионира по крајот на сезоната, додека на Златан Ибрахимовиќ и Маруан Фелаини им беше соопштено дека можат да почнат да си бараат нови клубови.