И покрај негативните критики, „Morbius“ со Џеред Лето во главната улога, се најде на врвот на бокс-офисот во Северна Америка со солидна заработка од 39 милиони долари во првиот викенд на прикажување.
„Morbius“ заработи 44.9 милиони на интернационалниот бокс-офис, односно 84 милиони на светско ниво. Како и многу други холивудски филмов, не е познато дали филмот ќе биде прикажан во Кина.
Sony потроши 75 милиони долари за продукција на филмот, со Џеред Лето како Мајкл Морбиус, биохемичар кој станува смртоносен вампир обидувајќи се да се излечи од ретка болест на крвта. Филмот е во режија на Даниел Еспиноса, а во останатите улоги се појавуваат Мет Смит, Јеред Харис и Мајкл Китон.
На второто место се најде акционата авантура „The Lost City“ со 14.8 милиони долари. Филмот со Сандра Булок и Ченинг Тејтум досега заработи 54.4 милиони долари на домашниот пазар.
„The Batman“ со Роберт Патисон се најде на третото место со заработка од 10.8 милиони долари, односно 349 милиони долари на домашниот пазар и над 710.5 милиони на светско ниво.