Само еден ден откако ги предводеше Далас Маверикс до втората последователна победа против Хјустон со 50 поени, 10 асистенции и осум скока, Лука Дончиќ исто така беше одличен во победата против ЛА Лејкерс од 124:115 во божиќниот натпревар на домашен терен.
Повторно беше блиску до трипл-дабл, а кај гостите од Калифорнија постигна 32 поени, а забележа и девет скока и асистенции.
Тој имаше голема помош од соиграчот Кристијан Вуд, кој постигна 30 и Тим Хардавеј, кој ги додаде своите 26 поени. Од друга страна, Леброн Џејмс имаше одлична партија, постигнувајќи 38 поени, но на крајот на денот, сепак, „Кралот“ мораше да му честита на Словенецот. Третата четвртина во која постигнаа 51 поен беше важна за победата на Далас.
Што се однесува до табелата во Западната конференција, со оваа победа Далас се искачи на осмото место со скор од 18-16, додека Лејкерс се 13-ти со скор 13-20 и моментално заостануваат четири натпревари зад место кое нуди шанса за плеј-оф. Да додадеме дека Дончиќ оваа сезона постигнуваше рекордни 32,8 поени по натпревар. Пред него е само Џоел Ембиид со просек од 33,1 поен.
