Необична приказна се случи во германскиот град Визбаден во еден локален познат хотел.
Имено, еден постар брачен пар со своето куче живеел во хотелот со 5 ѕвезди Nassauer Hof во Визбаден без да плаќа за ноќевањата.
Како што пренесува SWR, трошоците за сместување изнесуваат вкупно 140.000 евра. 60-годишниот маж ги платил првите сметки од околу 5.600 евра, по што едноставно престанал да плаќа и ги затворил сметките, но тие не излегле од собата.
Според приказната на еден од вработените во хотелот, човекот исто така тврдел дека има рак и се лекувал во Визбаден и постојано се жалел на услугите и персоналот на хотелот. Очигледно во неговата соба имало бубашваби, оревите мувлосале, а неговата сопруга пронашла црв во салатата.
Брачната двојка била исфрлена од хотелот дури откако се сменила управата, која го забележала пропустот, а мажот бил обвинет за измама и мора да одговара пред окружниот суд во Визбаден.
