Семејството на славниот Брус Вилис соопшти дека актерот се повлекува од светот на филмот, откако му е дијагностицирана афазија, нарушување на говорот кое следи по мозочно оштетување.
Семејството на 67-годишниот актер веста на објави на Instagram.
„На неверојатните обожаватели на Брус сакаме да им соопштиме дека тој има здравствени проблеми и неодамна му е дијагностицирана афазија, која влијае на неговите когнитивни способности. Како последица од болеста, следи одлуката на Брус да се оддалечи од кариерата која толку многу му значеше“, се додава во соопштението.
Пораката е потпишана од ќерките на актерот, поранешната сопруга Деми Мур и сопругата Ема Хеминг Вилис.
„Низ ова минуваме како силно семејство и сакаме да ги известиме неговите обожаватели, бидејќи знаеме колку ви значи тој, како и вие нему. Како што секогаш вели Брус, живејте и заедно планираме да го направиме токму тоа“, стои во објавата.
