Прославениот Џиџи Буфон иако има 45 години не размислува за пензија. Сега откри кога би можел да ги закачи ракавиците, но со резерва.
Џанлуиџи Буфон гостуваше во „Domenica Sportiva“ на Rai Sport каде неизбежно прашање беше кога ќе се пензионира еден од ретките фудбалери во светот кои кариерата ја почнале во минатиот милениум, а сѐ уште се активни.
„Морам да ја кажам вистината, мислам дека кога излегувам на терен и ме гледаат како играм, луѓето разбираат зошто продолжувам. Според мene, тоа е единствениот одговор што можам да го дадам дури и сега кога имам 45 години“, велчи тој.
„Во моментот кога сум на теренот, луѓето веднаш разбираат зошто продолжувам да играм. Тоа е единственото нешто што навистина му дава значење на она што го работам. Понатаму има и други, отсекогаш сум сакал да се трошам на цели што ги се чувствувам свои, што ги чувтсвувам блиски и што ми будат емоции. Како што беше Јуве пред 20 години, како што беше ПСЖ една година бидејќи го направив добровоилкно, со страст и со ентузијазам. Сега го правам уште повеќе за Парма“, објасни голманот ветеран.
Сезонава Буфон од октомври до јануари беше во аут поради повреда, па затоа има само 9 настапи. Воедно, тој е и капитен на тимот.
„По првите 10 години, имаше некое оттуѓување, а враќањето на 43 години е нешто незамисливо и возбудливо. Емоциите создаваат нешто фундаментално за оние што спортуваат: тоа е енергијата. А јас енергија имам и за продавање, па ако физички се држам, енергијата останува иста, а настапите остануваат исти секоја недела, немам причина да престанам. Освен да се досадувам, кога ми е досадно. Но, тоа може да се случи во моментот кога ќе се вратам во Серија А со Парма и ќе ги имам завршено сите цели“, заврши Буфон.
Парма сезонава има шанси да се избори за пласман во Серија А, но преку баражот. Моментално е седма со 40 бодови, дури 10 помалку од второпласираната Џеноа и местото кое гарантира директен пласман во калчо елитата. Но, во Серија Би местата од трето до осмо водат во бараж, па Парма тука ја гледа својата шанса, иако конкуренцијата со Бари, Судтирол, Пиза, Реџина, Каљари и Палермо е жестока.