Прикажаните премиери во текот на изминатите денови не успеаја да го соборат успехот на „Captain Marvel“, суперхеројскиот филм кој викендов успеа да заработи повеќе од 69 милиони долари на домашниот пазар.
Главната улога во филмот ја толкува Бри Ларсон, а според досегашната заработка најновиот филм на Marvel лесно ќе влезе во клубот на филмови со заработка од над милијарда долари.
Анимираната авантура „Wonder Park“ на Paramount Pictures се најде на второ место, со заработка од 16 милиони долари. Студиото потроши скоро 100 милиони долари за продукција на филмот. Гласовите ги позајмуваат Џенифер Гарнер, Метју Бродерик, Џон Оливер и Мила Кунис.
На третото место е романтичната драма „Five Feet Apart“ на Lionsgate, со заработка од 13 милиони долари. „How to Train Your Dragon: The Hidden World“ се најде на четврто место, со 9.3 милиони долари.
На пeттото место е „A Madea Family Funeral“, со заработка од 8 милиони долари.
Ова е целосната листа:
1. Captain Marvel – 69.3 милиони долари
2. Wonder Park – 16
3. Five Feet Apart – 13
4. How to Train Your Dragon: The Hidden World – 9.3
5. A Madea Family Funeral – 8
6. No Manches Frida 2 – 3.8
7. Captive State – 3
8. The Lego Movie 2: The Second Part – 2
9. Alita: Battle Angel – 1.9
10. Green Book – 1.2 милиони долари.
