Третпат во последните 8 години тимот на Челзи е под истрага на ФИФА, и третпат за истата работа. Повторно се работи за прекршок кој тимот наводно го направил, кој е поврзан со нерегуларен трансфер на малолетни играчи.
ФИФА вчера потврди дека е покрената истрага против Челзи за да се докаже дали тие повторно купувале малолетни играчи без да имаат дозвола за такво нешто.
Доколку обвиненијата се докажат како точни, на тимот повторно му се заканува казна, како што беше случајот и во 2009 година, кога Челзи беше обвинет за нерегуларен трансфер на Гаел Какута.
Челзи беше под истрага и лани поради трансферот на Бертранд Траоре, откако излегоа слики од натпревар во кој тој заиграл без притоа да има дозвола за тоа.
Доказ за тоа колку е строга ФИФА по ова прашање се казните на Реал Мадрид и Атлетико Мадрид, на кои лани им беше забрането да купуваат нови играчи бидејќи беше докажано дека нерегуларно вршеле трансфери.
Претставник на Челзи изјави дека од клубот се сигурни дека нивното работење е регуларно и дека тие си ја научиле лекцијата по првата казна.
