Заедно со протеините, јаглехидратите се едни од важните макронутриенти кои се наоѓаат во храната.
Иако се смета дека тие се одговорни за акумулацијата на вишокот килограми, недостатокот на јаглехидрати може да му наштети на здравјето.
Нутриционистот Никола Лудлам-Рајне се согласува дека преработените јаглехидрати треба да се елиминираат, но секако не сите. Јаглехидратите се гориво што му е потребно на телото да се движи и мозокот да размислува.
Така, доколку избегнувате јаглехидрати, можете да очекувате проблеми, а еве кои се симптомите кои откриваат дека ви недостасуваат во организмот.
Со оглед на тоа што се гориво за организмот, доколку целосно го намалите нивниот внес, веројатно ќе забележите дека имате помалку енергија. Иако нашето тело може да користи други елементи за енергија, јаглехидратите ќе ја понудат побрзо и телото ќе функционира подобро.
На мозокот му е потребна гликоза за да функционира правилно. Така, кога не консумирате доволно јаглехидрати, може да се најдете во лошо расположение и да се мачите да се концентрирате. Заедно со протеините, тие ќе помогнат во производството на триптофан, кој се претвора во серотонин, попознат како хормон на среќата.
Јаглехидратите можете да ги добивате од цели зрна, овошје и зеленчук, кои исто така ќе понудат многу влакна и есенцијални минерали за благосостојбата на целото тело.
Телото ги складира јаглехидратите како гликоген во црниот дроб и мускулите, а тие се користат за енергија која им е потребна на сите спортисти, во секој спорт, дури и брзо одење, а особено им се потребни на оние кои се занимаваат со интензивни активности како што се HIIT програмите.
Ако не консумирате доволно јаглехидрати, нема да бидете успешни како и обично на тренинзите и може да страдате од болки во мускулите или главоболки.
Не само што ќе послужат како гориво за тренинзи, туку ќе помогнат и за закрепнување после тренинг. Бидејќи на телото му се потребни хранливи материи после тренинг, дефинитивно се препорачува да се користат јаглехидрати за тие цели. Ако телото не се опорави правилно, болката во мускулите е неизбежна и ќе напредувате побавно.