Четиригодишно дете од Неготино утрово било каснато од куче.
Детето излегло во дворот на својата куќа и посакало да си поигра со кучето на своите соседи, но кучето го нападнало и го искасало по целото тело. Од острите заби на животното го спасил неговиот дедо, кој потоа го однел уплашеното и раскрвавено дете во здравствениот дом во Неготино, од каде по санирањето на повредите, го препратиле во болницата во Кавадарци, каде е задржано на лекување.
Ова е четврт напад на кучиња во една недела. Трагичен настан се случи минатиот петок во кичевско Бачиште, кога четиригодишно дете беше искасано од овчарски кучиња и подоцна почина во болница.