Светската кошаркарска федерација FIBA е позната по чудните правила и одлуки за натпреварувањата кои се под нивна надлежност.
Иако познавачите на работата на FIBA ретко можат да бидат изненадени, сепак новата одлука на светската куќа на кошарката е толку чудна што се граничи со лудило.
Во сите спортови е вообичаено е кога натпреварувањето се одвива во две или повеќе групни фази, екипите ги пренесуваат само бодовите од меѓусебните дуели со екипите кои одат во следната фаза.
Но сега, со новата одлука, FIBA пресуди дека екипите ќе ги пренесуваат во следната фаза сите бодови, дури и од екипите кои биле елиминирани.
FIBA ова го објави на нивниот Twitter профил, но беше многу вешто изоставено од промо-видеото каде беше официјално претставен форматот на натпреварување.
Последното натпреварување под надлежност на FIBA кое се играше во две групни фази беше Евробаскетот во 2013 година во Словенија, каде што, сосем логично, во втората фаза се пренесуваа само бодовите освоени во меѓусебните дуели со екипите кои поминаа во следната фаза.