Алексис Ципрас поднесе оставка како лидер на левичарската партија СИРИЗА, објави Reuters.
Се додава дека Ципрас во текот на денот ќе ѝ се обрати на јавноста.
На парламентарните избори одржани викендов во Грција убедливо победи Нова демократија на премиерот Кирјакос Мицотакис, а СИРИЗА на Ципрас освои нешто помалку од 18% од гласовите, анализира медиумот.
Во говорот по поразот на изборите, Ципрас рече дека изборниот резултат е негативен за таа партија, но и за општеството и за демократијата.
Тој ги отфрли шпекулациите дека може да се повлече од раководството на најголемата опозициска партија додавајќи дека ќе се стави на располагање на одлуката на членовите на партијата и дека во следните неколку месеци ќе се свика конгрес на кој ќе се одлучува за неговата судбина.
„За СИРИЗА заврши голем и креативен историски циклус, со кој треба да се гордееме. Сепак, мора да продолжиме со потребните кратења за набргу да отвориме нов, уште поперспективен циклус“, рече Ципрас.
