Во нападот на бегалскиот камп Џабалија, кој се наоѓа на периферијата на градот Газа, според последните информации што ги објави индонезиската новинска агенција од Газа, загинаа најмалку 50 лица, а околу 150 лица се повредени.
Израел синоќа го призна нападот врз Џабалија и рече дека логорот бил цел за да го убие Ибрахим Биари – клучниот командант на Хамас поврзан со нападот на групата врз Израел на 7 октомври. Израел наведува дека Ибрахим Биари и неговите борци окупирале цивилни згради во градот Газа.
Синоќа врз Џабалија беа извршени најмалку шест воздушни напади, а во нападот беа уништени станбени блокови.
Сведокот на нападот, Мохамад Ал-Асвад, изјави дека на местото на нападот во Џабалија, сцената била ужасна.
„Децата носеа други повредени деца и трчаа, а сивата прашина го исполни воздухот. Тела висеа на урнатините, многу од нив беа непрепознатливи. Некои крвареа, а други изгореа“, рече тој.
Се стравува дека бројот на жртви ќе биде поголем во наредните часови, бидејќи сѐ уште трае потрагата по телата на цивилите кои преживеале затрупани под урнатините.