Храната и пијалоците што ги консумираме влијаат на целото тело, вклучувајќи го и здравјето и изгледот на кожата.
Многумина сакаат нивната кожа да изгледа светла, младешка и здрава што е можно подолго, а комбинирањето на рутината за нега на кожата со урамнотежена исхрана е важно за постигнување на овие резултати.
Доколку сакате вашата кожа да стане блескава и да изгледа многу здраво и пред доаѓањето на летото, треба почесто да ги вклучувате овие видови на овошје во вашата исхрана.
Кивито е кисело овошје кое содржи витамин Е и антиоксиданси кои можат позитивно да влијаат на изгледот на кожата. Ова овошје е богато со витамин Ц, кој помага да се зголеми нивото на хидратација во организмот, што автоматски влијае на кожата, а влијае и на сјајниот и младешки изглед на кожата, пренесува Health Shots.
Зрнестото овошје не само што има богат вкус, туку е полно и со корисни хранливи материи и витамини. Содржи витамини како што се витамините Ц, А, Б, Е, К, Б1, Б2, Б12 и омега масни киселини. Честото јадење зрнесто овошје може да го зголеми нивото на колаген во кожата и да придонесе за изедначен тон на кожата.
Познато како многу вкусно тропско овошје, мангото содржи витамини А, Ц, Е и К, како и флавоноиди и бета-каротин, пренесува Health Shots. Покрај тоа, мангото е збогатено со влакна и антиинфламаторни својства и може да помогне во заштитата на бариерата на кожата од оштетување и да го промовира здравјето на кожата.
