Викторија Ли е името на девојката која допрва треба да се прослави во светот на ММА, барем така велат прогнозите кои ѝ предвидуваат светла иднина.
Минатиот месец оваа средношколка потпиша договор со кој ќе влезе во професионалниот свет на ММА. Тоа наиде на критика од многумина кои, со оглед на нејзината возраст, сметаат дека е крајно небезбедно да се бори против возрасни.
„Иако чувствувам дека многумина се изненадени, верувам дека натпреварувањето на професионално ниво треба да се базира врз вештините, а не возраста“
Ли е од мешан канадно-хавајски брак, а живее и тренира во Сингапур. Нејзиниот талент не е случајност бидејќи е од семејство на борачи. Сестра ѝ Енџела е светска шампионка во најлесната атом категорија, додека брат ѝ Кристијан владее во лесна категорија.
