Истражувачите од Универзитетот во Колорадо Болдер моментално бараат мажи и жени кои редовно вежбаат додека консумираат марихуана, за да ги проучат потенцијалните придобивки од оваа практика.
Луѓето кои ќе аплицираат мора да живеат во Болдер, Колорадо и да бидат запознаени со користењето канабис и трчањето. Заинтересираните мажи мора да бидат помеѓу 21 и 40 години, а жените меѓу 21 и 50 години.
Научниците ќе му платат 100 или 666 долари на секој волонтер што ќе ја заврши студијата, според поканата на веб-страницата на Универзитетот.
Мета-анализата од април 2021 година покажа дека корисниците на канабис имаат тенденција да вежбаат повеќе од оние кои не ја консумираат оваа супстанција. Некои извештаи сугерираат дека оваа супстанција може да го поттикне вежбањето, објави претходно Insider. Затоа истражувачите од Болдер сега сакаат да го проучат овој феномен како дел од нивниот проект SPACE, Студија за физичка активност и ефектите на канабисот.
Учесниците „надувани“ ќе трчаат на лента
Заинтересираните за учество во истражувањето можат да се пријават преку е-пошта или со повик до истражувачкиот тим. Ако бидат одбрани, може да очекуваат три тренинзи на лента за трчање (два без конзумирање канабис, еден под дејство на канабис), анкети и тестови на крвта.
Некои истражувања покажуваат дека канабисот може да го подобри вежбањето
Канабисот може да ги стивне деловите од нашиот мозок кои го хранат егото, што резултира со помалку стресни движења, изјави претходно за Insider д-р Џордан Тишлер, доктор по интерна медицина и претседател на Здружението на експерти за канабис.
Кога некое лице консумира канабис, тој „нежно ги стимулира“ мозочните рецептори одговорни за допаминот, невротрансмитер кој ви помага да се чувствувате среќни, објасни Тишлер.
Дали би се пријавиле, кога би ги исполнувале условите на истражувачите?