Здравје

Дали е здраво да се прескокнува појадокот?

22. ноември 2017 - 19:25 | К.З.

Прашањето кое секогаш се поставува: Дали појадокот е најважниот оброк во денот? Според некои извори тоа е така, но според некои други, тоа е само мит.

Во модерниот живот, покрај многуте обврски, тешко е да се балансираат оброците, но уште потешко е да се подели времето доволно добро за да стигнете да ги изедете сите три планирани оброци – појадок, ручек и вечера.

Според некои истражувања, оние кои редовно го јадат појадокот имаат помал ризик од срцеви заболувања, но имаат и поздрави навики од луѓето кои го прескокнуваат првиот оброк во денот. Оние пак, кои го прескокнуваат појадокот многу често развиваат навики на пушење, прекумерно пиење на алкохол и грицкање на нокти.

Друго истражување, спроведено од Американскиот Журнал за Клиничка Нутриција објаснува што точно се случува со телото кога ќе се прескокне појадокот. Во денови кога ќе го прескокнете појадокот, вашето тело согорува многу повеќе калории, но не треба да претерувате со избегнувањето на овој оброк бидејќи тоа може да предизвика ослабнување на мускулите и воспаленија.

Исто така, секојдневното конзумирање на појадок го подготвува вашето тело за денот кој е пред вас, но и помага да се намали ризикот од дијабетес. Според истражување спроведено на Универзитетот од Хохенхајм, прескокнувањето на појадокот може да резултира во зголемување на ризикот од Тип 2 дијабетес.

Докторите тврдат дека метаболизмот и крвниот шеќер работат подобро наутро, и затоа има повеќе смисла да внесувате повеќе храна преку ден отколку навечер. Ако веќе сакате да прескокнете еден од оброците, најдобар избор е вечерата.

Коментирај