Во скопско Маџир Маало ќе можат да се градат 48 хотели, 50-тина згради и два деловни објекти, според новиот Детален урбанистички план Градска четврт И 05 – Маџир Маало 2.
Во планот сега е зацртана и маркичка за градинка и зелени површини кои ги немаше со претходниот ДУП донесен во 2012, објави порталот sdk.mk.
Планот кој почна да се прави уште при мораториумот во општина Центар за време на минатата локална власт, конечно е изработен и беше презентиран на последната седница на Општина Центар одржана пред 10 дена. По барање на советниците не се гласаше за оваа точка и се предложи да се одлучува за неа на некоја од наредните седници, потсетуваат од „Сакам да кажам“.
Урбанистите од Општина Центар велат дека ова е максимумот што може да се направи за планско уредување на просторот со оглед на тоа дека мора да се придржуваат до Генералниот урбанистички план кој диктира на овој простор, во близина на Железничката и меѓуградската и меѓународна автобуска станица да се градат хотели.
Повеќе прочитајте на sdk.mk.