Килијан Марфи наводно би можело да биде следниот актер кој ќе го игра Џејмс Бонд.
Најпознатиот таен агент последен пат го играше Даниел Крег, а франшизата сега бара нов шпион со „дозвола за убивање“.
The Sun пренесува дека токму Килијан Марфи го привлекол вниманието на филмската екипа.
Марфи беше номиниран за Оскар за најдобар актер за неговата улога во Oppenheimer. Исто така, има освоено неколку признанија, вклучувајќи ги и наградите САГ, БАФТА и Златните глобуси.
„Килијан е најголемата ѕвезда во Холивуд во моментов и ова би била ултимативната улога. Ова е начин да се подигне франшизата за Бонд на ново ниво“, рекол инсајдерот за The Sun.
Продуцентката на франшизата за Бонд, Барбара Броколи, наводно внимателно го следи Марфи изминатата година. Клеј Бункер, кој глумеше покрај ирскиот актер во Oppenheimer, исто така го поддржува како следниот Бонд.
„Тој би бил одличен како Бонд. Некако е смешно бидејќи тој е најљубезниот човек што го познавам, но ја има потребната темна страна“, рече Бункер.
Работата на 26-тиот филм за Џејмс Бонд се очекува да започне кон крајот на следната година.
Претходно, имиња што често се спомнуваа за улогата на Џејмс Бонд беа Хенри Кавил и Идрис Елба.
