Дали Tesla Model S навистина го сруши Нирбургринг рекордот на Porsche Taycan?
Откако новото Porsche Taycan постави рекорд на патеката Нирбургринг за најбрз електричен автомобил со четири врати, Tesla правеше сѐ што може да го сруши тој рекорд со нејзиниот Model S.
Се чини дека американскиот производител успеа во тоа, но уште не е докрај јасно под кои услови, со колкава моќност и по која цена.
Според германското списание за автомобили Auto Motor und Sport, модифицираниот Tesla Model S наводно постигнал време одд 7 минути и 23 секунди за еден круг, што е речиси 20 секунди побрзо од Taycan.