Нема кој во детството не го гледал цртаниот фил „Попај“. Но, дали ја знаете вистинската приказна зад овој лик?
Малкумина знаат дека ликот на Попај Морнарот навистина постоел. Неговото вистинско име е Френк Фигел, наречен Роки. Бил роден во денешна Полска во 1868 година. Со фамилијата емигрирал во САД каде во 1887 година се пријавил во морнарицата. Живеел во Честер, Илиноис.
Кога подостарел уживал да поминува време со маалските деца. Секогаш со лучле в уста им раскажувал дешавки од неговата младост, често фалејќи ја својата физичка сила и гласно повторувал дека спанаќот е јадењето кое го правело непобедлив.
Човекот што подоцна го создал Попај, Елзи Крајслер Сигар, бил роден во градот Честер и всушност бил едно од децата кои имале привилегија во живо да ги слушаат приказните на поранешниот морнар.
Крајслер станал карикатурист кој создавал стрипови, а во една прилика кога за стрипот „Thimble Theatre“ му затребал морнар, го создал Попја според ликот на Франк Фигел.
Фотографијата која насекаде се појавува кога на Google ќе го побарате името на Френк Фигел всушност не е од него. Станува збор за анонимен морнар од британскиот брод „HMS Rodney“ направена во 1940 година.
На гробот на Френк Фигел пишува: „Инспирација за Попај Морнарот“.