Рускиот премиер Михаил Мишустин потпиша владин декрет за мерки за поддршка на граѓаните кои се повикани на делумна мобилизација, пишува прорежимската руска новинска агенција ТАСС.
За мобилизираните граѓани и фирми, со уредбата се продолжуваат роковите за плаќање данок (освен данокот на доход), како и премиите за осигурување и различните поволности за целиот период на стаж и во рок од три месеци по завршувањето.
Дополнително, во овој период ќе бидат суспендирани даночните контроли на овие компании.