Премиерката Мете Фредериксен изјави дека Данска ќе ја убие целата популација на визони поради ризик од мутација на коронавирусот, пренесе Reuters.
Здравствените власти регистрираа мутација на коронавирусот кај визоните која се проширила и на луѓето, наведе премиерката на прес-конференција.
„Мутираниот вирус кај визоните може да претставува ризик за ефикасноста на идната вакцина“, изјави таа.
Пронајдените траги од вирусот кај луѓето и кај визоните покажуваат намалена чувствителност на антитела, па поради тоа се намалува ефикасноста на идната вакцина. Во нордиските земји и понатаму постојат жаришта на фарми на визони, и покрај напорите на властите да ги убијат заразените животни од јуни.
Откритието со визоните е споделено со СЗО и со Европскиот центар за превенција и контрола на болести.
