Фудбалерите на Манчестер Јунајтед се пласираа во 4. коло од ФА Купот победувајќи го Евертон на „Олд Трафорд“ со 3:1, а натпреварот го одбележа необичната грешка на голманот на „Црвените ѓаволи“, Давид де Хеа.
Бразилецот Антони во 4. минута го постигна водечкиот гол за домашната екипа, а во 14. минута израмни гостинскиот дефанзивец Конор Коади со сесрдна помош на Де Хеа.
Фудбалерот на Евертон изведе навидум безопасен удар од речиси мртов агол, а Де Хеа реагираше на неверојатен начин и обидувајќи се да ја одбие топката со колена додека стоеше покрај стативата.
Топката помина низ неговите нозе и се одби до Конор Коади, кој од самата гол-линија лесно постигна гол за 1:1.
Сепак, Де Хеа влезе во историјата на тимот од „Олд Трафорд“, бидејќи стигна до десеттото место на листата на играчи со најмногу настапи досега во дресот на Јунајтед - ова му беше натпревар број 511.
Коади беше стрелец на третиот гол на натпреварот, но во 52. минута, за жал, по центаршутот на Маркус Рашфорд ја упати топката во сопствената мрежа.
Конечните 3:1 во 7. минута од надополнувањето ги постави Рашфорд од пенал.
